Cari ilin 23-28 noyabr tarixlərində Rusiyanın Sankt-Peterburq şəhərində Nikolay Nikitinin xatirəsinə həsr olunmuş yeniyetmə və gənclər arasında açıq turnir keçirilib. Şəxsi formatda keçirilmiş tədbirdə Azərbaycan, Rusiya, Belarus, Qazaxıstan, Estoniya, Türkiyə, Ukrayna və Ermənistan idmançıları mübarizə aparıb. Yığma komandamızın üzvü Zou Çuyi yarımfinal mərhələsində Rusiyanın güclü idmançısı Yelizaveta Abramyanı 3-1 hesabı ilə məğlub edib. Final yarışlarında idmançımız Rusiyanın təcrübəli tennisçisi Nataliya Malininaya birinci görüşdə 1-0 hesabı ilə qalib gəlsə də, sonrakı görüşdə ayağından zədə aldığı üçün tam qüvvəsi ilə oynaya bilməmiş, görüşü uduzmuş və ikinci yerə sahib olmuşdur. Noyabr ayının 29-da tennisçilərimiz Vətənə dönmüşlər.

{gallery}shekiller/28-11-2015-2{/gallery}