28 sentyabr – 3 oktyabr tarixlərində Rusiya Federasiyasının Ulyanovsk şəhərində MDB dövlətlərinin beynəlxalq idman festivalı keçirilib. Tədbirdə Rusiya- 2, Moldova , Belarus və Azərbaycan stolüstü tennisçiləri iştirak edib.Turnir komanda, şəxsi , qoşa və qarışıq qoşa dərəcələrdə təşkil olunub. Komanda yarışlarında idmançılarımız Rusiya – 2 və Moldova təmsilçilərinə qalib gələrək III yeri tutublar. Şəxsi yarışlarda yığmamızın üzvü Sadıx Sadiqov II yerin sahibi olub. Oğlanlar arasında qoşa yarışlarda Sadıx Sadiqov və Mətin Həsənzadə cütlüyü II və qızlarımız Fatimə Məmmədli və Fatma Məmmədli III yer qazanıblar.