Yeniyetmə stolüstü tennisçilər Türkiyənin Yalova şəhərində keçirilən beynəlxalq turnirdə etimadı doğruldublar. Türkiyə, Qazaxıstan, Rumıniya, Bolqarıstan və Estoniya idmançılarının da qatıldığı yarışda Vaqif Babayevlə Şakir Qədirov komanda yarışında ikinci, Banu İmanverdizadə ilə Sofiya Trofimenko üçüncü yeri tutub. Şəxsi mübarizədə isə Vaqif Babayev və Şakir Qədirov (U15) bürünc mukafat qazanıb. Qeyd edək ki, məşqçilər Billurə Eminova və Zakir Cavadovun rəhbərliyi ilə qardaş ölkəyə yollanan idmançılar, avqustun 8-dən 14-dək Yalovada təşkil olunan beynəlxalq təlim-məşq toplanışında da iştirak ediblər.

Yeniyetmə stolüstü tennisçilər növbəti beynəlxalq təlim-məşq toplanışına qatılacaqlar. Türkiyənin Yalova şəhərində təşkil olunan hazırlıq prosesində Sofiya Trofimenko, Banu İmanverdizadə, Şakir Qədirov və Vaqif Babayev  iştirak edəcək. Məşqçilər Billurə Eminova və Zakir Cavadovun rəhbərliyi ilə qardaş ölkəyə yollanan idmançılar avqustun 16-dək təcrübələrini artırmağa çalışacaqlar. Stolüstü tennisçilər təlim-məşq toplanışı çərçivəsində, Türkiyə, Bolqarıstan, Rumıniya, Kosova və Estoniya komandalarının istirakı ilə keçiriləcək turnirdə də bacarıqlarını göstərəcəklər.

Stolüstü tennisçi Onur Quluzadə daha bir beynəlxalq yarışa qatılıb. Seçmə komandanın baş məşqçisi Mixail Timofeyevin rəhbərliyi ilə  Qazaxıstanın Almatı şəhərinə yollanan istedadlı idmançı "WTT Youth Contender" turnirində mübarizə aparacaq. Bu gün başlanan beynəlxalq yarışa iyulun 27-də yekun vurulacaq. Xatırladaq ki, Onur, bugünlərdə Portuqaliyada təşkil olunan Avropa çempionatından bürünc medalla dönmüsdü.

Stolüstü tennisçi Onur Quluzadə yeniyetmələr arasında Avropa birinciliyində yüksək nəticəyə imza atıb. Portuqaliyanın Qondomar şəhərində keçirilən yarışın qoşa növündə türkiyəli həmkarı Görkəm Öcalla birlikdə mübarizə aparan Onur, yarımfinal mərhələsinə yüksəlməklə bürunc mükafata layiq görulüb. İstedadlı idmançı bununla, müstəqillik dövründə bu uğura imza atan ilk azərbaycanlı stolüstü tennisçi olub. Qeyd edək ki, Onur Quluzadə - Görkəm Öcal cütü bu gün keçirilən 1/2 final görüşündə Luis Fegerl və Ladimir Mayorovdan ibarət Avstriya-İspaniya tandeminə 2:3 hesabı ilə uduzaraq Avropa birinciliyində mübarizəni bürünc medalla başa vurub.

Stolüstü tennisçilər növbəti Avropa çempionatında istirak edəcəklər. Seçmə komandamızın uzvləri bu məqsədlər. Portuqaliyaya yola düşublər. Qondomar şəhərində təşkil olunacaq yarışda kişilərdən ibarət seçmə komandanın baş məşqçisi Mixail Timofeyevlə, gənclərdən ibarət milli komandaların baş məşqçiləri Elnur Hidayətzadə və Ramil Cəfərovun rəhbərliyi ilə Adil Əhmədzadə, Rüstəm Hacılı, Tunar Bağırov, Onur Quluzadə, Ruslan Kərimov, Mərziyyə Nurmətova, Aylin Əsgərova, Şəbnəm Mansurova, Xədicə Babazadə və Yağmur Məmmədli qələbə uğrunda mübarizə aparacaq. Beynəlxalq dərəcəli hakim Zaur Mikayılov isə iyulun 10-dan 19-dək keçiriləcək çempionatın oyunlarını idarə edəcək.