“Şüa” İdman Kompleksində təşkil olunan Azərbaycan kuboku yarışının sonuncu günündə final görüşləri keçirilib. Nəticələrə əsasən qadınların turnirində Məryəm İmanova 1-ci, Mərziyyə Nurmətova 2-ci, Aylin Əsgərova ilə Rüfət Əliyeva 3-cü yeri tutub. Kişilərin yarışı Adil Əhmədzadənin qələbəsi ilə yekunlaşıb. O, finalda Vəzir Allahverdiyevə qalib gəlib. Nihad Məmmədovla İbrahim Ansari fəxri kürsünün üçüncü pilləsinə qalxıb.
Qadınların qoşa yarışında Mərziyyə Nurmətova ilə Arzu Aslanova qalib gəlib. Ləman Abdulhəmidova – Zemfira Mikayılova tandemi ikinci yeri tutub. Rüfət Əliyeva – Xədicə Əbilzadə və Məryəm İmanova – Aliyə Haşımova cütü üçüncü olub.
Kişilərin qoşa turnirində Hilal Həsənov - Adil Əhmədzadə tandemi finalda Vəzir Allahverdiyev – Nihad Məmmədov ikilisinə qalib gəlib. Əliverdi Şahgəldiyevlə Hüseyn Eylazov və Xəyal Həşimli ilə Cəfər Cəfərzadə 3-cü yeri tutub.
Qarışıq qoşa yarışılar Nihad Məmmədovla Ləman Abdulhəmidovanın qələbəsi ilə nəticələnib. Onlar finalda Əliverdi Şahgəldiyev – Mərziyyə Nurmətova tandemini üstələyiblər. Yusif Almazağazadə ilə Məryəm İmanova, həmçinin Hüseyn Eylazovla Aylin Əsgərova üçüncü olub.
Xatırladaq ki, kişilərin turniri Təhsil RİM kollektivinin qələbəsi ilə başa çatıb. MOİK ikinci yeri tutub. “Sərhədçi” və “Sumqayıt” komandaları 3-cü yeri bölüşüblər.
“Sumqayıt” komandası qadınların mübarizəsində bütün rəqiblərini üstələyib. İkinci yeri Təhsil RİM-nin yetirmələri tutublar. 13 saylı UGİM və Sumqayıt (Təhsil RİM) kollektivi üçüncü olub.
Fərqlənən idmançılara AGİN-nin diplomları və ASTF-nin qiymətli hədiyyələri ilə təqdim olunub.

Stolüstü tennis üzrə ölkə kuboku yarışı davam edir. “Şüa İdman Kompleksi”ndə keçirilən yarışda komanda mübarizəsinə yekun vurulub. Kişilərin turniri Təhsil RİM kollektivinin qələbəsi ilə başa çatıb. MOİK ikinci yeri tutub. “Sərhədçi” və “Sumqayıt” komandaları 3-cü yeri bölüşüblər.
“Sumqayıt” komandası qadınların mübarizəsində bütün rəqiblərini üstələyib. İkinci yeri Təhsil RİM-nin yetirmələri tutublar. 13 saylı UGİM və Sumqayıt (Təhsil RİM) kollektivi üçüncü olub.

Qeyd edək ki, yarışın növbəti günlərində tennisçilər şəxsi, qoşa və qarışıq-qoşa turnirində də qalib və mükafatçıları müəyyənləşdirəcəklər.Ölkə kuboku yarışına noyabrın 19-da yekun vurulacaq.

Bu gün stolüstü tennis üzrə ölkə kubokuna start verilib. “Şüa” İdman Kompleksində keçirilən yarışa müxtəlif idman cəmiyyətləri, klublar və Uşaq Gənclər İdman Məktəblərinin ümumilikdə 16 komandası qatılıb. 4 gün davam edəcək ölkə kubokunda tennisçilər komanda, şəxsi, qoşa və qarışıq qoşa turnirində qalibləri müəyyənləşdirəcəklər. Azərbaycan Respublikası Gənclər və ldman Nazirliyi ilə Azərbaycan Stolüstü Tennis Federasiyasının təşkil etdiyi yarışın əsas məqsədi ölkədə bu idman növünün kütləviliyini artırmaq və inkişaf etdirməklə yanaşı, tennisçilərin idman ustalığını yüksəltməkdir. Həmçinin, perspektivli idmançıları üzə çıxarmaq və milli komandaya namizədləri müəyyənləşdirmək məqsədi daşıyan yarışın qalibləri AGİN-nin diplomları və ASTF-nin qiymətli hədiyyələri ilə təltif olunacaqlar.

İstedadlı stolüstü tennisçimiz Onur Quluzadə Avropa Stolüstü Tennis Federasiyasının təşkil etdiyi “EUROTALENTS DEVELOPMENT CAMP” toplanışına yollanıb. Noyabrın 13-dən 20-dək Çexiyanın Havirov şəhərində keçiriləcək təlim-məşq toplanışında onu milli komandanın baş məşqçisi Mixail Timofeyev müşaiyət edəcək. Havirov sınaqları sözügedən layihə çərçivəsində ilin sayca dördüncü və sonuncu toplanışıdır. Qitənin istedadlı tennisçiləri bunadək Slovakiya, Rumıniya və Fransada bir araya gəlmişdilər.

Stolüstü tennis üzrə “Biz bir ölüb, min dirilərik” devizi ilə keçirilən respublika turnirinə yekun vurulub. Zəfər gününə həsr olunan yarışa Bakı, Sumqayıt, Şəki və Şabran idmançıları qatılıblar. Sumqayıt şəhərində yerləşən “Qarabağ NN” stolüstü tennis idman klubunda təşkil olunan yarış 2012-ci il təvəllüdlü və daha az yaşlı iştirakçılar arasında keçirilib. İki gün davam edən yarışın nəticələrinə əsasən oğlanlarların turnirində mükafatlara Şabran təmsilçiləri layiq görülüblər. Vaqif Babayev birinci, Zərbah Muradov ikinci, Həsrət Kamilovla Yasin Zeyni üçüncü yeri tutub. Final görüşündə Rüqəyya Qasımzadəni (Sumqayıt) məğlub edən Xədicə Babazadə (Şəki) qızlar arasında baş mükafata sahib çıxıb. Peykər Vəlizadə (Sumqayıt) ilə Sofiya Trofimenko (Sumqayıt) üçüncü yerdə qərarlaşıb. Turnirin mükafatçılarına Azərbaycan Stolüstü Tennis Federasiyasının diplom, medal və hədiyyələri təqdim olunub.