Azərbaycan Respublikası Stolüstü Tennis Federasiyasının 2017-ci il təqvim – idman planına əsasən stolüstü tennis üzrə “TOP-16” respublika turniri 27 yanvar tarixində başa çatmışdır. Federasiyanın vitse-prezidenti Fazil Məmmədov öz çıxışında dövlətimizin idmana göstərdiyi böyük diqqət və qayğıdan bəhs etmişdir. Bu qayğnın nəticəsi olaraq müstəqil Azərbaycanın stolüstü tennis tarixində ilk dəfə 2016-cı ildə tennisçilərimizin Avropa çempionatından Vətənə 4 medal ilə qayıtmasını bariz nümunə kimi qeyd etmişdir.

Turnirdə 2016-cı ildə uşaqlar arasında keçirilmiş yarışların nəticəsində qalib gələn 2006-cı il təvəllüdlü və daha kiçik yaşlı 16 oğlan və 16 qız iştirak edib.

Turnir şəxsi kateqoriyada, dairəvi sistem üzrə və Beynəlxalq Stolüstü Tennis Federasiyasının qaydalarına uyğun keçirilib.

Turnirin qalibləri:

Oğlanlar arasında:

I yer - Becanov Xaliq (Bakı şəhəri 1 saylı RİOEUGİM)

II yer - Əhmədzadə Adil (Bakı Tennis Məktəbi)

III yer - Məmmədbəyov Hacımurad (Şəki UGİM)

III yer - Məhəmmədov Toğrul (Sumqayıt Təhsil)

Qızlar arasında :

I yer - Aslanova Arzu (Sumqayult Təhsil)

II yer – Mərziyyə Nurmətova (Sumqayıt Təhsil)

III yer - Mahmudova Nigar (Şəki UGİM)

III yer - Mahmudova Əzifə (Şabran UGİM)

Turnirdə qaliblərə Stolüstü Tennis Federasiyası tərəfindən diplom və qiymətli hədiyyələr təqdim olundu.