14-24 iyul 2018-ci il tarixlərində Rumıniyanın Kluj-Napoka şəhərində stolüstü tennis üzrə gənclər arasında Avropa Çempionatı keçirilir.

44 ölkədən 42 kişi və 39 qadın komandasının iştirak etdiyi çempionatda qızlardan ibarət yığmamız finalda Rusiya komandasına qalib gələrək qızıl medal qazandı. Bu Azərbaycan stolüstü tennis tarixində ən yüksək nəticədir.

Xatırladaq ki,  2017-ci il gənclərin Avropa çempionatında  qızlardan ibarət yığmamız bürünc medal qazanmışdır.

Çempionat şəxsi yarışlarla davam edir.