Bəhreyn Krallığının Manama şəhərində təşkil olunacaq Bəhreyn – 2024 Gimnaziada İdman Oyunlarına qatılacaq stolüstü tennisçilərimiz bu gün yola düşüblər. Yarışda məşqçilər Ramil Cəfərov və Səbinə Əzizlinin rəhbərliyi ilə Adil Əhmədzadə, Rüstəm Hacılı, Hüseyn Eylazov, Elşən Hüseynov, Mərziyyə Nurmətova, Arzu Aslanova, Aylin Əsgərova və Aysu Ağayeva bacarığını göstərəcək. Beynəlxalq dərəcəli hakimlər Zaur Mikayılovla Xəyalə Qiyasova isə Gimnaziadanın oyunlarını idarə edəcəklər. Stolüstü tennis yarışlarına oktyabrın 25-də start veriləcək. Qeyd edək ki, ölkəmiz oktyabrın 31-dək keçiriləcək yarışda 16 idman növü üzrə təmsil olunacaq.