15-17 may tarixlərində Azərbaycan Stolüstü Tennis Federasiyasının dəstəyi ilə Azərbaycan Xüsusi Olimpiya Komitəsinin II Milli Oyunları çərçivəsində stolüstü tennis üzrə sağlamlıq imkanları məhdud uşaqlar arasında Respublika seçmə yarışları keçirilmişdir. Bu yarış 2017-ci ildə keçiriləcək beynəlxalq yarışlara seçmə xarakteri daşıyır. Yarışda 15 qız və 40 oğlan iştirak etmişdir. Ümumi komanda hesabında Şəki Regional Proqramı I yerə, Xəzər rayonu 2 saylı ümumi orta internat məktəbi II yerə, Qaradağ rayonu 9 saylı xüsusi internat məktəbi isə III yerə layiq görülmüşdür.