Stolüstü tennis üzrə milli komanda İslam Həmrəylik Oyunlarına hazırlığa başlayıb. Əsas seçmə komandanın üzvləri bu məqsədlə ölkə xaricinə yollanıblar. Türkiyənin Yalova şəhərində təşkil olunan təlim-məşq toplanışında Nəzakət Qarayeva, Zemfira Mikayılova, Ləman Abdulhəmidova, Mərziyyə Nurmətova, Emin Məmmədov, Vəzir Allahverdiyev, Nihad Məmmədov və Adil Əhmədzadə iştirak edəcək. Komandanın böyük məşqçisi Fərhad İsmayılovla məşqçi Ramil Cəfərovun rəhbərliyi ilə keçəcək toplanışa mayın 6-da yekun vurulacaq. Seçmə komanda hazırlıq proqramına əsasən ardınca digər toplanışlara qatılacaq. Qeyd edək ki, İslam Həmrəylik Oyunları  9-18 avqust tarixlərində Türkiyənin Konya şəhərində təşkil olunacaq.

Yeniyetmə və gənc stolüstü tennisçilərimizi qarşıda nüfuzlu beynəlxalq yarışlar gözləyir.
Seçmə komandalar mayın 15-dən 23-dək Almaniya və Polşada təşkil olunacaq “Protur” yarışlarına qatılacaq. Ardınca idmançılarımızı daha ciddi sınaq gözləyir. Söhbət iyulun 6-dan 15-dək Serbiyanın Belqrad şəhərində keçiriləcək Avropa birinciliyindən gedir.
Yeniyetmə və gənc stolüstü tennisçilər artıq sözügedən yarışlara hazırlığa start veriblər. Ölkə birinciliyinin yekunlarına əsasən formalaşan seçmə komandamız bu məqsədlə Qax rayonuna yollanıb. 24 aprel - 4 may tarixlərində Qax Olimpiya İdman Kompleksində təşkil olunan təlim-məşq toplanışında 6 qız, 7 oğlan tennisçi iştirak edir. Komanda, may ayının 4-dək məşqçi Elnur Hidayətzadənin rəhbərliyi altında gündə iki dəfə olmaqla həm, fiziki, həm də, taktiki-texniki hazırlığı davam etdirəcək.

Azərbaycan Stolüstü Tennis Federasiyası və Azərbaycan Respublikası Gənclər və İdman Nazirliyinin birgə təşkil etdiyi yarışda yeniyetmə və gənc idmançılar bacarıqlarını göstəriblər.
“Şüa” İdman – Sağlamlıq Kompleksində keçirilən birinciliyin son günündə final görüşləri olub.
Gərgin və maraqlı mübarizə ilə yadda qalan yarışın nəticələrinə əsasən 2004-2006-cı il təvəllüdlü qızların şəxsi turnirində Ləman Abdulhəmidova qalib gəlib. Zemfira Mikayılova 2-ci, Xədicə Əbilzadə ilə Səbinə Məmmədova 3-cü yeri tutub. Oğlanlar arasında baş mükafata Emin Məmmədov layiq görülüb. Kənan Pənahov gümüş, Murad Cəfərovla Hacımurad Məmmədbəyov bürünc medal qazanıb.
Qızların qoşa yarışlarında Zemfira Mikayılova ilə Xədicə Əbilzadə, oğlanlarda isə Kənan Pənahovla Emin Məmmədov Azərbaycan çempionu olub.
Qarışıq-qoşa yarışlarda Ləman Abdulhəmidova ilə Kənan Pənahov bütün rəqiblərinə qalib gəlib.
Xatırladaq ki, 2004-2006-cı il təvəllüdlü qızların komanda turnirində Bakı komandası 1-ci, Şəki komandası 2-ci yeri tutub. Sumqayıt və Şabran komandaları 3-cü yeri bölüşüblər. Oğlanların mübarizəsindən də Bakı komandası qalib ayrılıb. Sumqayıt 2-ci, Salyan və Şəki tennisçiləri 3-cü yeri tutublar.
2007-ci il təvəllüdlü və daha azyaşlı tennisçilərin yarışında qızların şəxsi mübarizəsindən Mərziyyə Nürmətova qalib ayrılıb. Aylın Əsgərova gümüş, Arzu Aslanova ilə Yağmur Məmmədli bürünc medal qazanıb. Oğlanların yarışı Adil Əhmədzadənin qələbəsi ilə yekunlaşıb. Onur Quluzadə 2-ci, Toğrul Məhəmmədovla Hüseyn Elyazov 3-cü yeri tutub.
Qızların qoşa yarışlarında Mərziyyə Nürmətova ilə Arzu Aslanova, oğlanların mübarizəsində isə Adil Əhmədzadə ilə Rüstəm Hacılı qalib gəlib.
Qarışıq-qoşa turnirdə Onur Quluzadə - Nigar Mahmudova tandemi çempion adına layiq görülüb.
Qızların komanda yarışı Sumqayıt – 1 kollektivinin qələbəsi ilə yekunlaşıb. Sumqayıt -2 komandası 2-ci yerdə qərarlaşıb. Sumqayıt – 3 və Şabran fəxrü kürsünün 3-cü pilləsində yer alıb.
Oğlanların turniri isə Bakı-1 komandasının qələbəsi ilə başa çatıb. Sumqayıt -1 ikinci yerlə kifayətlənib. Bakı-2 və Şabran komandaları 3-cü pillədə qərarlaşıblar.
Qeyd edək ki, kütləviliyi ilə seçilən budəfəki birinciliyə paytaxt tennisçiləri ilə yanaşı, Gəncə, Sumqayıt, Quba, Qusar, Şabran, Salyan, Şirvan, Şəki, Qax, Balakən, Ağstafa, Gədəbəy, Zərdab və Samuxdan ümumilikdə 150-yə yaxın idmançı qatılıb.
Fərqlənən idmançılara Azərbaycan Stolüstü Tennis Federasiyasının mükafatları təqdim olunub. Fəxri kürsüyə yüksələn tennisçilər seçmə komandaların heyətinə cəlb olunaraq, beynəlxalq yarışlarda ölkəmizi təmsil etmək imkanı qazanacaqlar.

Stolüstü tennis üzrə Azərbaycan birinciliyində komanda yarışları yekunlaşıb.
Stolüstü tennis üzrə ölkə birinciliyi davam edir. Azərbaycan Stolüstü Tennis Federasiyası və Azərbaycan Respublikası Gənclər və İdman Nazirliyinin birgə təşkil etdiyi yarışda yeniyetmə və gənc idmançılar bacarıqlarını göstərirlər.
“Şüa” İdman – Sağlamlıq Kompleksində keçirilən yarışda komanda mübarizəsi başa çatıb. 2004-2006-cı il təvəllüdlü qızların turnirində Bakı komandası 1-ci, Şəki komandası 2-ci yeri tutub. Sumqayıt və Şabran komandaları 3-cü yeri bölüşüblər. Oğlanların mübarizəsindən də Bakı komandası qalib ayrılıb. Sumqayıt 2-ci, Salyan və Şəki tennisçiləri 3-cü yeri tutublar.
2007-ci il və daha azyaşlı idmançıların mübarizəsinə də yekun vurulub. Qızların komanda yarışında Sumqayıt – 1 kollektivi qələbə qazanıb. Sumqayıt -2 komandası 2-ci yerdə qərarlaşıb. Sumqayıt – 3 və Şabran fəxrü kürsünün 3-cü pilləsində yer alıb.
Oğlanların turniri isə Bakı-1 komandasının qələbəsi ilə başa çatıb. Sumqayıt -1 ikinci yerlə kifayətlənib. Bakı-2 və Şabran komandaları 3-cü pillədə qərarlaşıblar. Yarışın növbəti günlərində şəxsi, qoşa və qarışıq-qoşa turnirlərində qaliblər müəyyənləşəcək.
Qeyd edək ki, kütləviliyi ilə seçilən birinciliyə paytaxt tennisçiləri ilə yanaşı, Gəncə, Sumqayıt, Quba, Qusar, Şabran, Salyan, Şirvan, Şəki, Qax, Balakən, Ağstafa, Gədəbəy, Zərdab və Samuxdan ümumilikdə 150-yə yaxın idmançı qatılıb. Azərbaycan birinciliyinə aprelin 16-da yekun vurulacaq.
Fərqlənən idmançılara Azərbaycan Stolüstü Tennis Federasiyasının mükafatları təqdim olunacaq. Fəxri kürsüyə yüksələn tennisçilər həmçinin, seçmə komandaların heyətinə cəlb olunaraq, beynəlxalq yarışlarda ölkəmizi təmsil etmək imkanı qazanacaqlar.

Aprelin 13-də Stolüstü tennis üzrə növbəti Azərbaycan birinciliyinə start verilib. Azərbaycan Stolüstü Tennis Federasiyası və Azərbaycan Respublikası Gənclər və İdman Nazirliyinin birgə təşkil etdiyi yarışda yeniyetmə və gənc idmançılar bacarıqlarını göstərirlər.
“Şüa” İdman – Sağlamlıq Kompleksində keçirilən yarışın açılış mərasimində iştirakçılara Stolüstü Tennis Federasiyasının prezidenti Şahin Mustafayevin salamlarını çatdıran federasiyanın baş katibi Könül Mikayılova və vitse prezidenti Elmar İslam onlara uğurlar arzulayıb.
Kütləviliyi ilə seçilən birinciliyə paytaxt tennisçiləri ilə yanaşı, Gəncə, Sumqayıt, Quba, Qusar, Şabran, Salyan, Şirvan, Şəki, Qax, Balakən, Ağstafa, Gədəbəy, Zərdab və Samuxdan ümumilikdə 150-yə yaxın idmançı qatılıb. Budəfəki yarışlar şəxsi, komanda, qoşa və qarışıq-qoşa proqramında keçirilir.
Federasiyanın baş katibi Könül Mikayılovanın sözlərinə görə, yarışın təşkilində əsas məqsəd stolüstü tennisin təbliği, kütləviliyinin artırılması, perspektivli idmançıların üzə çıxarılması, ümumilikdə bu idman növünün inkişafına töhfə verməkdir.
Şüa” İdman – Sağlamlıq Kompleksində 4 gün davam edəcək ölkə birinciliyinə aprelin 16-da yekun vurulacaq.
Fərqlənən idmançılara Azərbaycan Stolüstü Tennis Federasiyasının mükafatları təqdim olunacaq. Fəxri kürsüyə yüksələn tennisçilər həmçinin, seçmə komandaların heyətinə cəlb olunaraq, beynəlxalq yarışlarda ölkəmizi təmsil etmək imkanı qazanacaqlar.

Aprelin 13-də Stolüstü tennis üzrə növbəti Azərbaycan birinciliyinə start veriləcək. Azərbaycan Stolüstü Tennis Federasiyası və Azərbaycan Respublikası Gənclər və İdman Nazirliyinin birgə təşkil etdiyi yarışda yeniyetmə və gənc idmançılar bacarıqlarını göstərəcəklər. Budəfəki yarışlar şəxsi, komanda, qoşa və qarışıq-qoşa proqramında keçiriləcək. “Şüa” İdman – Sağlamlıq Kompleksində 4 gün davam edəcək ölkə birinciliyinə aprelin 16-da yekun vurulacaq. Yarışın keçirilməsində əsas məqsəd, stolüstü tennisin təbliği, perspektivli idmançıların üzə çıxarılması, bu idman növünün inkişafına töhfə verməkdir. Qeyd edək ki, fərqlənən idmançılara Azərbaycan Stolüstü Tennis Federasiyasının mükafatları təqdim olunacaq. Fəxri kürsüyə yüksələn tennisçilər həmçinin, seçmə komandaların heyətinə cəlb olunaraq, beynəlxalq yarışlarda ölkəmizi təmsil etmək imkanı qazanacaqlar.

Gənclər və İdman Nazirliyi və Azərbaycan Stolüstü Tennis Federasiyasının (ASTF) təşkilatçılığı ilə stolüstü tennis üzrə ölkə çempionatı başa çatıb.

Böyüklər arasında keçirilən çempionatda stolüstü tennisçilər komanda, şəxsi, qoşa və qarışıq qoşa yarışlarda qüvvələrini sınayıblar.

Qaliblərin siyahısı:

Komanda(qadınlar);

I yer – Sumqayıt -2

II yer – Sumqayıt-1

III yer - Sumqayıt-3

III yer - Bakı-1

Komanda (kişilər);

I yer – Bakı-1

II yer - Bakı-2

III yer - Bakı-3

III yer – Sumqayıt-1

Qoşa(qadınlar):

I yer İmanova Məryəm (Sumqayıt)- Eminova Billurə(Sumqayıt)

II yer Aslanova Arzu (Sumqayıt) - Nürmətova Mərziyyə (Sumqayıt)

III yer Əbilzadə Xədicə (Bakı) - Abdulhəmidova Ləman(Şəki)

III yer Qarayeva Nəzakət (Bakı) - Əliyeva Rüfət(Bakı)

Qoşa(kişilər)

I yer Məmmədov Emin (Bakı) - Allahverdiyev Vəzir (Bakı)

II yer Həsənov Hilal (Bakı) - Quluzadə Onur (Bakı)

III yer Cəfərzadə Cəfər (Gədəbəy) - Həşimli Xəyal (Bakı)

III yer Əhmədzadə Adil (Bakı) - Məmmədov Nihad (Bakı)

Qarışıq/qoşa

I yer Şahgəldiyev Əliverdi (Bakı) - Əsgərova Aylin (Sumqayıt)

II yer Allahverdiye Vəzir (Bakı) – Eminova Billurə (Sumqayıt)

III yer Əhmədzadə Adil (Bakı) - Abdulhəmidova Ləman (Şəki)

III yer Məmmədov Emin (Bakı) - Əbilzadə Xədicə (Bakı)

Şəxsi (qadın):

I yer – Əliyeva Rüfət (Bakı)

II yer – İmanova Məryəm (Sumqayıt)

III yer – Qarayeva Nəzakət (Bakı)

III yer - Nürmətova Mərziyyə (Sumqayıt)

Şəxsi(kişi)

I yer - Məmmədov Emin (Bakı)

II yer – Əhmədzadə Adil (Bakı)

III yer - Məmmədov Nihad (Bakı)

III yer – Allahverdiyev Vəzir (Bakı).

Dörd gün davam edən yarışda Bakı şəhəri ilə yanaşı, Sumqayıt, Şəki, Qax, Qobustan, Qəbələ, Qusar, Salyan, Şabran, Şirvan və Gədəbəydən olan tennisçilər də iştirak edib.

Fevralın 16-19-dək Gənclər və İdman Nazirliyi və Azərbaycan Stolüstü Tennis Federasiyasının təşkilatçılığı ilə "Şüa" İdman-Sağlamlıq Kompleksində stolüstü tennis üzrə ölkə çempionatı keçiriləcək.

Böyüklər arasında keçiriləcək çempionatda stolüstü tennisçilər komanda, şəxsi, qoşa və qarışıq qoşa yarışlarda qüvvələrini sınayacaqlar.

Dörd gün davam edəcək yarışda Bakı şəhəri ilə yanaşı, Sumqayıt, Şəki, Qax, Balakən, Gəncə, Qusar, Salyan, Şabran, Şirvan və Gədəbəydən olan tennisçilərin də iştirakı gözlənilir.