Qəbələ Olimpiya İdman Kompleksində III MDB Oyunlarının stolüstü tennis yarışlarına yekun vurulub. İdmançılarımız son oyun günündə daha 3 medal qazanıblar. Şəxsi yarışların finalında uduzan Onur Quluzadə, Adil Əhmədzadə və Mərziyyə Nurmətova fəxri kürsünün ikinci pilləsinə qalxıb.

Stolüstü tennişçilər Onur Quluzadə ilə Adil Əhmədzadə bu gün III MDB Oyunlarının qoşa yarışlarının final matçına çıxıblar. Həlledici görüşdə rusiyalı Yevgeni Vasikov - Yevgeni Dosov cütü ilə qarşılaşan idmançılarımız 0-3 hesabı ilə uduzaraq gümüş mükafata layiq görülüblər. Qarışıq-qoşa yarışlarda bacarığını göstərən Onur Quluzadə-Mərziyyə Nurmətova cütü və qoşa yarışlarda mübarizə aparan Aylin Əsgərova-Yağmur Məmmədli tandemi üçuncü yeri tutub. Qeyd edək ki, bu, stolüstü tennisçilərin III MDB Oyunlarında qazandıqları 6-cı mükafatdır. Bunadək, qızlardan və oğlanlardan ibarət kollektivlər komanda yarışlarında ikinci yeri tutub. Yağmur Məmmədli isə 14 yaşlılar arasında bürünc medal qazanıb. Sabah 3 idmançımız - Adil Əhmədzadə, Onur Quluzadə və Mərziyyə Nurmətova şəxsi yarışların final görüşunə çıxacaq.

Stolüstü tennisçilər Yağmur Məmmədli ilə Aylin Əsgərova  III MDB Oyunlarının bürunc mükafatına layiq görülüblər. Bu gün kecirilən qoşa yarışların yarımfinalında Belarusun Yana Zadsko-Sofiya Beliasava tandeminə 1-3 hesabı ilə uduzan idmançılar üçüncü yeri tutublar.
Oğlanların qoşa yarışlarının yarımfinalında belaruslu İvan Zaytsau-Aleksey Rabuşka cütu üzərində 3-0 hesablı qələbə qazanan Adil Əhmədzadə ilə Onur Quluzadə isə finala yüksəlib. İdmançılarımız bu gün saat 18:00-da keçiriləcək həlledici görüşdə rusiyalı Yevgeni Vasikov Yevgeni Dosov cütü ilə qarşılaşacaqlar.

Stolüstü tennişçilər Onur Quluzadə, Adil Əhmədzadə və Mərziyyə Nurmətova III MDB Oyunlarının şəxsi yarışlarında finala yüksəliblər. Onur Quluzadə 14 yaşlıların mübarizəsində, yarımfinalda qazaxıstanlı Yessimxan Orunbassara 3-1, Adil Əhmədzadə 17 yaşlıların mübarizəsində belaruslu Aleksey Rabuşkaya 3-0, Mərziyyə Nurmətova 17 yaşlıların mübarizəsində özbəkistanlı Maftuna Gulimovaya 3-0 hesabı ilə qalib gəlib. Yarımfinalda rusiyalı Alina İlimbetovaya 1-3 hesabı ilə uduzan 14 yaşlı Yağmur Məmmədli ücuncü yeri tutub. Həlledici görüşlər sentyabrın 29-da keçiriləcək. Qeyd edək ki, günün ilk sessiyasında qızlardan və oğlanlardan ibarət komandalarımız yarışın gümüş mükafatını qazanıb.

Azərbaycanın oğlanlardan ibarət stolüstü tennis seçməsi III MDB Oyunlarının gümüş mukafatına layiq görülüb. Komanda yarışlarının final matçında Rusiya kollektivi ilə üz-üzə gələn Onur Quluzadə, Adil Əhmədzadə və Rüstəm Hacılıdan ibarət seçmə 0-2
hesabı ilə uduzaraq ikinci yeri tutub. Qeyd edək ki, III MDB Oyunlarında stolüstü tennis yarışlarına sentyabrın 29-da yekun vurulacaq.