Stolüstü tennisçilər növbəti beynəlxalq yarışda iştirak edəcəklər. Seçmə komanda bu məqsədlə Özbəkistanın paytaxtı Daşkəndə yola düşüb. Aylin Əsgərova, Mərziyyə Nurmətova, Yağmur Məmmədli, Adil Əhmədzadə, Rüstəm Hacılı və Onur Quluzadə məşqçilər Elnur Hidayətzadə və Ramil Cəfərovun rəhbərliyi ilə "WTT Youth Contender" turnirində bacarığinı göstərəcək. Mayın 28-də start veriləcək yarışa mayın 31-də yekun vurulacaq.

Stolüstü tennisçilər daha bir beynəlxalq təlim-məşq toplanışında iştirak edəcəklər. Seçmə komandamızın üzvləri bu gün Çin Xalq Respublikasına yola düşüblər. Zemfira Mikayılova, Ləman Abdulhəmidova, Xədicə Əbilzadə, Nihad Məmmədov, Hilal Həsənov və Vəzir Allahverdiyev baş məşqçi Fərhad İsmayılovun rəhbərliyi ilə mayın 19-dan 30-dək Hebeydə yerləşən stolüstü tennis mərkəzində hazırlıq keçəcək. Qeyd edək ki, təlim-məşq toplanışı qarşıdakı beynəlxalq yarışlara hazırlıq məqsədi daşıyır.

Stolüstü tennis üzrə Azərbaycan çempionatına yekun vurulub.
Nəticələr:
Komanda kişilər
I yer - Bakı-1
II yer - Bakı-2
III yer - Bakı-3; Şabran
Qadınlar
I yer - Sumqayıt-1
II yer- Bakı-1
III yer - Bakı-2; Sumqayıt-2
Qoşa:
Qadınlar
I yer - Əsgərova Aylin - Nurmətova Mərziyyə
II yer - Abdulhəmidova Ləman - Mikayılova Zemfira
III yer - Əbilzadə Xədicə - Mansurova Şəbnəm ; İmanova Məryəm - Mahmudova Nigar
Kişilər
I yer - Allahverdiyev Vəzir - Quluzadə Onur
II yer - Hacılı Rüstəm - Əhmədzadə Adil
III yer - Həsənov Hilal - Məmmədov Nihad ;Şahgəldiyev Əliverdi-Həşimli Xəyal;
Qarışıq qoşa:
I yer - Allahverdiyev Vəzir - Mikayılova Zemfira
II yer - Quluzadə Onur - Məmmədli Yağmur
III yer - Məmmədov Nihad - Abdulhəmidova Ləman ; Hacılı Rüstəm - Əsgərova Aylin
Şəxsi:
Qadınlar
I yer - Nurmətova Mərziyyə
II yer - Mikayılova Zemfira
III yer- İmanova Məryəm, Əsgərova Aylin
Kişilər
I yer - Quluzadə Onur
II yer - Həsənov Hilal
III yer - Məmmədov Nihad, Əhmədzadə Adil

“Şüa” İdman Kompleksində stolüstü tennis üzrə Azərbaycan çempionatı davam edir. Artıq komanda yarışlarında qalib və mükafatçılar məlumdur. Kişilərin mübarizəsi “Bakı-1” komandasının qələbəsi ilə yekunlaşıb. “Bakı-2” ikinci, “Bakı-3” və “Şabran” kollektivləri üçüncü yeri tutub. Qadınların yarışından “Sumqayıt-1” komandası qalib ayrılıb. “Bakı-1” ikinci, “Bakı-2” və “Sumqayıt-2” komandaları üçüncü pillədə qərarlaşıb. Çempionatın növbəti günlərində idmançılar şəxsi, qoşa və qarışıq-qoşa növlərdə bacarıqlarını göstərəcəklər. Yarışa mayın 17-də yekun vurulacaq.

Bu gün stolüstü tennis üzrə Azərbaycan çempionatı başlanıb. “Şüa” İdman Kompleksində keçirilən yarışda paytaxt idmançıları ilə yanaşı digər şəhər və rayonların stolüstü tennisçiləri 4 gün ərzində qüvvələrini sınayacaqlar. AGİN və ASTF-nin birgə təşkil etdiyi budəfəki çempionatda da komanda, şəxsi, qoşa və qarışıq qoşa mübarizədə qalib və mükafatçılar müəyyənləşəcək. Nəticələrə əsasən seçmə komandanın heyətinə cəlb olunacaq idmançılar beynəlxalq yarışlarda ölkəmizi təmsil edəcəklər. Azərbaycan çempionatına mayın 17-də yekun vurulacaq.

Mayın 7-də Slovakiyanın paytaxtı Bratislava şəhərində 21 yaşadək solüstü tennisçilərin Avropa çempionatına start veriləcək. Reytinq əsasında keçirilən yarışda ölkəmizi bu dəfə Aylin Əsgərova təmsil edəcək. Seçmə komandamızın üzvü və məşqçi Səbinə Əzizli bu gün Bratislavaya yola düşüb. Avropa çempionatına mayın 11-də yekun vurulacaq.

Mayın 2-dən 4-dək Türkiyənin İstanbul şəhərində "Baxışları paylaşmaq, sabahı formalaşdırmaq" adlı beynəlxalq stolüstü tennis dialoqu keçirilib. Türkiyə Stolüstü Tennis Federasiyası tərəfindən təşkil olunan toplantıya 29 ölkənin nümayəndələri qatılıblar. Azərbaycanı bu tədbirdə ASTF-nin baş katibi Könül Mikayılova təmsil edib. Açilış nitqi ilə iştirakçıları salamlayan Türkiyə Stolüstü Tennis Federasiyasının prezidenti Kerim Koç bu cür tədbirlərin federasiyalar arasında daha sıx əməkdaşlığa yol açdığını və stolüstü tennisin inkişafına təkan verdiyini vurğulayıb. Tədbir zamanı federasiya rəsmiləri tərəfindən gələcək planlar müzakirə edilib, müxtəlif mövzular ətrafında fikir mübadiləsi aparılıb.

"Şüa" idman kompleksində keçirilən yarışda U19 və U15 yaş qrupları üzrə idmançılar bacarıqlarını göstəriblər. Aprelin 30-da start verilən birincilikdə komanda, qoşa, qarışıq-qoşa və şəxsi mübarizədə qaliblər müəyyənləşib. Nəticələrə əsasən, 19 yaşadək qızların komanda turniri Sümqayıt-1 kollektivinin qələbəsi ilə başa çatıb. Oğlanların yarışında isə baş mukafata Bakı-1 komandası layiq görulüb.
U-15 yaş dərəcəsində qızların mübarizəsi Sumqayıt-1, oğlanların yarışı Şabran komandasının qələbəsi ilə nəticələnib.
U19 yaş qrupunda mübarizə aparan qızların qoşa yarışında Mərziyyə Nurmətova ilə Aylin Əsgərova birinci olub.
Oğlanların turnirində Adil Əhmədzadə-Rüstəm Hacılı tandemi bütün rəqiblərini üstələyib.
Qarışıq-qoşa mübarizədə Adil Əhmədzadə ilə Nigar Mahmudova birinci yer tutub.
Şəxsi yarışlarda isə Mərziyyə Nurmətova və Adil Əhmədzadə fəxri kürsünün ən yüksək pilləsinə qalxıb.
U15 yaş dərəcəsində
qoşa yarışlardan Yağmur Məmmədli – Xədicə Eylazova  və Onur Quluzadə - Əliəkbər Mirzəliyev dueti qalib ayrılıb.
Qarışıq-qoşa turnirdə Onur Quluzadə ilə Yağmur Məmmədli qələbə qazanıb.
 Yağmur Məmmədli ilə Onur Quluzadə şəxsi yarışların da qalibi adını qazanıb.
Fərqlənən idmançılara Azərbaycan Gənclər və İdman Nazirliyinin diplom və medalları, Azərbaycan Stolüstü Tennis Federasiyasının mükafatları təqdim olunub.