Elan

photos

Fotoqalereya

video pic2

Facebook səhifəmiz

Stolüstü tennisçilərimiz növbəti beynəlxalq yarışa qatılıblar

Stolüstü tennisçilər Onur Quluzadə ilə Yağmur Məmmədli növbəti beynəlxalq yarışda bacarığını göstərəcək. Söhbət Fransanın Mets və Belçikanın Spa şəhərlərində təşkil olunan “WTT Youth Contender” turnirindən gedir. Seçmə komandamızın üzvləri məşqçilər Mixail Timofeyevlə Elnur Hidayətzadənin rəhbərliyi ilə yarışa qatılacaqlar. Bu gün start verilən turnirlərə aprelin 28-də yekun vurulacaq. Qeyd edək ki, Onur Quluzadə növbəti sınaq ərəfəsində Lüksemburqda keçirilən anoloji turnirdə bürünc medala layiq görülüb. İstedadlı idmançı Belçika sınaqlarına da bu günlər təlim-məşq toplanışında olduğu Lüksemburqdan yollanıb.

Stolüstü tennis üzrə ölkə çempionatının qalibləri müəyyənləşib

Veteran stolüstü tennisçilər arasında ölkə çempionatına yekun vurulub. “Şüa” idman kompleksində təşkil olunan yarışda Bakı, Sumqayıt, Gəncə, Şəmkir, Tovuz və Gədəbəydən ümumilikdə 60-a yaxın usta idmançı bacarığını göstərib. Budəfəki çempionatda kişilər 4, qadınlar 1 yaş qrupunda mübarizə aparıblar. Şəxsi mübarizədə kişilərdən Vaqif Məmmədov, Elşad Vahidov, İlham Ağayev, Səxavət Heydərov, qadınlardan Xəyalə Qiyasova 1-ci yeri tutub. Qoşa yarışlarda isə Zaur Mikayılovla Mahir Cəbiyev fəxri kürsünün 1-ci pilləsinə qalxıb. Onlar finalda İlham Ağayev – Xəyalə Qiyasova tandeminə qalib gəliblər.
Fərqlənən iştirakçılara Azərbaycan Stolüstü Tennis Federasiyasının mükafatları təqdim olunub.

Stolüstü tennis üzrə ölkə çempionatı keçirilir

Bu gün veteran stolüstü tennisçilər arasında ölkə çempionatına start verilib. “Şüa” idman kompleksində təşkil olunan yarışda Bakı, Sumqayıt, Gəncə, Şəmkir, Tovuz və Gədəbəydən ümumilikdə 60-a yaxın usta idmançı bacarığını göstərir. Budəfəki çempionatda kişilər 4, qadınlar 1 yaş qrupunda mübarizə aparırlar. İdmançılar həm, şəxsi, həm də qoşa yarışlarda qalib və mükafatçıları müəyyənləşdirəcəklər. Çempionatın final görüşləri sabah keçiriləcək. Fərqlənən iştirakçılara Azərbaycan Stolüstü Tennis Federasiyasının mükafatları təqdim olunacaq.

Stolüstü tennisçimiz bürünc medal qazanıb

Stolüstü tennisçi Onur Quluzadə daha bir beynəlxalq yarışın mükafatını qazanıb. Söhbət Lüksemburqda keçirilən “WTT Youth Contender” turnirindən gedir. İlkin mərhələdə Almaniya, Fransa, Lüksemburq və Monqolustan təmsilçilərinə qalib gələn yeniyetmə idmançı qrup səddini lider kimi adlayıb. 1/8 finalda isveçli, 1/4 finalda isə fransalı rəqibini də mübarizədən kənarlaşdıran stolüstü tennisçimiz yarımfinalda digər fransalı rəqibinə 2-3 hesabı ilə uduzaraq turnirin bürünc medalına layiq görülüb. Qeyd edək ki, bu, Onur Quluzadənin cari mövsümdə beynəlxalq yarışlarda qazandığı 5-ci mükafatdır.

Stolüstü tennisçilər beynəlxalq yarışda fəxri kürsüyə qalxıblar

15 yaşadək stolüstü tennisçilərdən ibarət seçmə komandamız Türkiyədə keçirilən beynəlxalq yarışın mükafatına layiq görulüblər. Banu Baytallı və Şəbnəm Mansurovadan ibarət heyət məşqçi Zakir Cavadovun rəhbərliyi ilə Balıkesir şəhərində təşkil olunan “Türk Dövlətləri” beynəlxalq yarışında fəxri kürsünün üçüncü pilləsinə qalxıb. Qazaxıstan seçməsi birinci, Türkiyə millisi ikinci yeri tutub. Qeyd edək ki, sözügedən turnirdə Türkiyə, Azərbaycan, Qazaxıstan, Özbəkistan, Türkmənistan, Qırğızıstan və Şimali Kipr idmançıları iştirak ediblər.

11 -dən səhifə 100

       
       
 mok AZE  ittf ettu2 
       
       

Copyright © Azərbaycan Stolüstü Tennis Federasiyası